Pigtawan-duon ni Senate President Pro Tempore Ping Lacson na dae soboot matugot an Senado na ma-reenact sa 2026 an nagpapadagos na national budget na pigladawan kaining “corrupt to the core.”
Sigun ki Lacson, ini an kawsa kun tano nagpapautob an halangkaw na kapulungan kan mga lakdang para masierto an transparency sa pagtalakay kan prosopwestong budget, kairiba an pag-livestream kan bicameral conference committee.
Tinawan duon pa kan senador, kaipuhan baguhin kan Senado an iskedyul kan deliberasyon makalihis magluwas an nagkapirang isyu mantang pigtatalakay an prosopwesto.
Pigtukdo man kaini an pagpapalawig kab deliberasyon sa general principles kan budget puon sarong aldaw pasiring sa tolong aldaw—pati na an mga isyung nagluwas sa pagtalakay kan budget kan National Irrigation Administration (NIA).
Siringman, sinabi ni Lacson na may posibilidad na maparekas an proseso huli sa mga repormang saindang pigpautob, kairiba an livestreaming kan bicam asin an pagbabawal kan “alien” items, huli ta makakapugol ini sa mga insertion sa prosopwestong ley.
