Sa paagi kan saiyang legal counsel si Senador Bato Dela Rosa, nagsumite nin bagong ‘manipestasyon’ sa Korte Suprema, na naghahagad na liwaton an naenot na desisyon asin magpaluwas nin Temporary Restraining Order (TRO) kontra sa International Criminal Court (ICC) arrest warrant.
An pagsumite, na ginibo sa paagi kan e-filing kan Oktubre 27, partikular na naghahagad sa korte na resolberan an saindang ‘motion for reconsideration’ asin tugutan an pagpaluwas nin TRO.
An lakdang na ini nangyari matapos na enot nang ibinasura kan Korte Suprema an orihinal na kahagadan ni Senador Dela Rosa para sa sarong TRO.,An korte nagbanggit nin “lack of merit” sa mosyon kan senador bilang rason sa dai pagpaluwas kan TRO.
An pangenot na katuyuhan ni Senador Dela Rosa sa paghagad nin TRO iyo na mapugulan an saiyang pag-aresto kan mga awtoridad base sa ICC warrant.
Sa pinakabagong manipestasyon na ini, naghahagad an senador sa Korte Suprema na baliktadon an naenot na desisyon kaini na nagbasura sa saiyang petisyon para sa TRO.
