Tinawan-duon kan Korte Suprema na dai pwedeng pagsabayon an ‘senior citizen discount’ sa iba pang klase nin discount.
Segun sa Korte Suprema, dai na pwedeng maghagad an mga senior citizen nin dugang na 20% discount apwera pa sa naresibe na hale sa promosyon o kasunduan.
Pwede suboot na magpili an mga senior citizen sa pag-ultanan kan discount sa promosyon asin kan 20% senior citizen discount para sa mga produkto o serbisyong inaalok.
An nasabing paninindugan kan hukuman iyo an kasunod kan pagpapawalang-sala kaini sa general manager nin sarong hotel sa Bacolod City.
Kinasuhan ini nin pagbalgar sa Senior Citizens Act huli sa pagtanggi suboot na magtao nin 20% discount sa mga bisita kan hotel na may edad 66 asin 70.
Alagad, iginiit kan Korte Suprema na naresibe na kan mga ‘guests’ an 20% discount sa paagi kan napagkasunduan na kantidad para sa club kaya dai na obligadong magtao nin dugang pang 20% diskwento.
Bagama’t an katuyuhan kan Senior Citizens Act iyo an protektaran asin suportahan an mga senior citizen, segun sa hukuman, dapat pa man giraray na magin patas asin makatanusan an pagpautob kaini para sa mga negosyo.
