Aram baya nindo mga ka-bombo, an singsing gikan pa sa Fordham University Class kan 1969 na nahulog sa Long Island Sound sa New York an liwat na nakabalik sa maysadiri kaini makalihis an nasa 56 na taon.
Sigun sa sarong residente na si Dave Orlowski, mantang nagsasagibo ini kan saiyang regular na metal detector sa Cedar Beach sa Mount Sinai, kan igwang ma-detect an saiyang ekipahe.
Digde na napag-araman na sarong singsing palan an saiyang nakua asin igwa ining tatak na Alfred DiStefano, class of 1969 sa Fordham University.
Katakod digde, pig-contact ni Orlowski si Karen Manning, an nagpapadalagan kan Fordham Class of 1969 sa paagi kan Facebook.
Digde naman kaini nakaulay si DiStefano an maysadiri kan singsing na naka-istar sa Texas.
Mientrastanto, labi man an pasasalamat ni DiStefano huli ta makalihis an 56 na taon liwat na nakabwelta sa saiya an singsing na nawara kan taong 1969.
