Ikinamundo kan presenteng sekretaryo kan Department of Justice na si Sec. Jesus Crispin ‘Boying’ Remulla an pagbubutas ni Sen. Panfilo ‘Ping’ Lacson komo chairman kan Senate Blue Ribbon Committee.
Kasunod kan ‘resignation’ kan nasambitan ng senador, pigkonsiderar ni Justice Sec. Remulla ini komo sarong kawaran.
An nasambitan ng komite na iyong pinamamayuhan ni Sen. Ping Lacson an nakatalaga para sa imbestigasyon dapit sa flood control project anomaly.
Alagad siring man, pigtawan nin pagbisto kan sekretarto an nagin papel ni Sen. Lacson komo saro sa mga pinakamatibay soboot na imbestigador sa Pilipinas.
Mientrastano, komo pamayo kan komiteng nagtututok sa imbestigasyon kan maanomalyang flood contrrol projects, an saro pang tinawan nin pagbisto ni Justice Sec. Remulla an tabang na naihatod ni Sen. Ping Lacson.
Mahagad pa soboot ini nin advice gikan ki Sen. Lacson dapit sa nagpapadagos na imbestigasyon asin case buildup sa flood control projects anomaly.
Alagad maski naglaom ining dae na madadagos an pagbubutas ni Lacson, aminado ining siring an dalagan o kaganapan pag-abot sa senado komo sarong independent body.
Mientrastanto, pigtawan-duon kan nasambitan ng sekretaryo na kinakaipuhang i-endorso kan Senate President an sisay man na personalidad an irerekomendang isasairarom sa witness protection program asin komo sarong state witness.
Ini an enkaso an bagong itatalagang chariman kan Senate Blue Ribbon Committe an igwang mawot o ipakonsiderang maibugtak sa nasambitan ng programa.
Alagad maski bako ini kaining ‘binding’, ipinaliwanag ni Justice Secretary Remulla na aagi pa sa ebalwasyon asin pagsusuri an mga indibidwal na isasairarom sa protection program asin state witness.
