Nag-courtesy visit si South Korean Ambassador Lee Sang-hwa ki Defense Secretary Gilbert Teodor Jr. sa headquarters kan Department of National Defense sa Camp Aguinaldo kaining nakalihis na Biyernes, Disyembre 20.
Digde nagribayan an 2 opisyal nin mga pananaw sa breakthroughs asin mga potential sa 75 taong relasyon kan Pilipinas asin SoKor.
An pagbisita man kan South Korean envoy an sa tahaw kan political issue sa South Korea asin sarong semana makalihis suspendihon si President Yoon Suk-yeol kasunod kan desisyon kan South Korean parliament na i-impeach ini huli sa saiyang deklarasyon kan martial law kan nakalihis na Disyembre na tulos man na pigbawi.
Sa sarong statement, sinaysay ni DND na pigtawan-duon ni Sec. Teodoro sa saiyang pakikipag-meeting ki Amb. Lee an importansiya kan bilateral defense cooperation partikularmente sa logistic asin defense industry.
Nagpaabot man an sekretaryo nin appreciation sa padagos na suporta kan SoKor para sa Armed Force of the Philippines Modernization Program kasabay kan pag-highlight sa piglalaomang pag-abot kan patrol vessel para sa Philippine Navy na papangaranang BRP Muguel Malvar.
