Pigpa-untok na kan South Korea an saindang military radio broadcast na “Voice of Freedom” sa border kan North Korea, komo parte kan pagpapaluwag kan tensyon sa rehiyon susog sa Ministry of National Defense kan nasyon.
An nasambitan ng “Voice of Freedom” an parte kan psychological warfare kan Seoul kontra sa Pyongyang.
Kun saen igwa ini nin mga bareta dapit sa pinagtutubudan kan North Korea, pagpapauswag kan South Korea, asin K-pop culture na obhetong impluwensyahan an opinyon kan mga taga-North Korea.
Marurumdumang nag-resume an broadcast makalihis na palubugon kan North Korea an sarong barkong pandigma kan South Korea pirang taon na an nakakalihis.
Sa ibong man kaini, kan magtukaw komo Presidente si South Korean Lee Jae Myung kan nakalihis na Hunyo, enot kaining pigsuhestyon an pagpapauntok sa mga loudspeaker propaganda broadcasts sa border kan North Korea asin ipinahayag an intensyong buwagon an tensiyon asin man liwat na bukasan an dayalogo kan duwang nasyon.
Kaya man nag-alok si Lee nin sarong summit sa pag-ultanan ninda U.S. President Donald Trump asin man North Korean leader Kim Jong Un.
Alagad pigsayumahan ini kan North Korea asin man sinabing mayo sindang interes makipag-ulay sa South Korea.
Mientrsatnto, nakatalaan man na mag bisita si Kim Jong Un sa China ngunyan na semana tangani mag atendir sa sarong military parade kaiba sinda Chinese President Xi Jinping asin man Russian President Vladimir Putin.
