Hindi na umano dapat pang pag-aksayahan ng panahon ang naging patutsada ni Senate Minority Leader Alan Peter Cayetano laban sa ilang miyembro ng Senado, ayon kay Tito Sotto III.
Ito ang naging reaksyon ni Sotto matapos tawagin ni Cayetano na mga “tuta” ng Malacañang ang ilan sa mga senador na kabilang sa mayorya sa isang fellowship lunch.
“Waste of airtime,” ani Sotto nang hingan ng komento kaugnay sa pahayag ng kapwa mambabatas.
Hindi na nagbigay ng mas mahabang paliwanag si Sotto hinggil sa isyu at ipinahiwatig na hindi na dapat pang palakihin ang naturang pahayag.
Matatandaang naging sentro ng usapin ang naging kritisismo ni Cayetano sa ilang senador at sa umano’y impluwensya ng Malacañang sa ilang usaping pampulitika. Gayunman, nananatiling magkakaiba ang pananaw ng mga mambabatas kaugnay ng nasabing alegasyon.
Sa ngayon, wala pang karagdagang pahayag si Cayetano bilang tugon sa naging komento ni Sotto.
