Pigkwestyon ni Senate President Tito Sotto III an mga abogadong nagsunad sa saiya nin petisyon sa Korte Suprema.
Katakod kaini, sa mga nagin pahayag ni Sotto kontra sa Korte Suprema makalihis na na ideklarar na unconstitutional an impeachment complaint na pigsunad kan Kamara kontra ki Vice President Sara Duterte.
Sigun ki Sotto, hahalaton muna kaini an kopya kan petisyon gikan sa Korte Suprema antes na simbagan an dapit digde.
Pighapot man ni Sotto an mga nagsunad nin petisyon na pano naman an ibang mga personalidad na nag-uuyon sa saiyang mga pigpunto na factual errors sa desisyon kan korte suprema asin an posibilidad na nagkaigwa nin judicial legislation huli ta garo binago kan SC an yaon sa Konstitusyon.
Kabali sa mga kinatigan an saiyang nagin mga pagtuyaw sa desisyon kan SC sinda retired SC Justice Adolfo Azcuna, San Beda University Graduate School of Law Dean Fr. Ranhilio Aquino, UP College of Law Associate Dean Paolo Yamese, Atty. Wilfredo Garrido, Law Dean Mel Sta Maria, Manolo Quezon III asin iba pa na parehas an mga natuyaw.
Marurumduman, kasuudma, nagsunad nin petition for indirect contempt sa Supreme Court kontra ki Sotto sinda Atty. Manuelito Luna, Atty. Ferdinand Topacio, asin Atty. Harold Respicio huli ta naglampas na soboot an Senate President sa “legitimate commentary” na nagraraot sa kredibilidad kan Korte Suprema sa taumbayan
