Pig-anunsyar kan Spain an paggawad nin legal status sa kabangang milyong bakong dokumentadong migrante. Obheto kan nasambitan ng lakdang na mabawasan an labor exploitation sa underground economy kan Spain.
Sigun ki Spain immigration minister Elma Saiz, saro ining makasaysayang aldaw para sa saindang nasyon asin sinabing saindang papakusuhon an migration model na nakabase sa mga karapatang pantao asin akma sa pag-uswag kan ekonomiya asin pagkasararo kan lipunan.
Kaipuhan soboot an bagong lakdang tanganing masimbagan an reyalidad sa mga lansangan asin mabenepisyo sa ekonomiya kan saindang nasyon.
Kaibahan sa mga matatawan nin legal status iyo an mga dayuhang nag-abot sa Spain antes an Disyembre 31, 2025 asin igwang patunay na nakaistar sa nasyon sa laog kan limang bulan, Kaipuhan mang patunayan na mayo sindang criminal record.
Tatawan an mga ini nin hasta sarong taong legal residency asin work permits na igwang bisa para sa anumang sektor asin sa bilog na nasyon.
Bukas an aplikasyon puon sa Abril 1 hasta Hunyo 30 kan presenteng taon. Nagluluwas sa sarong pag-aadaln, igwang pigkakarkulong 840,000 undocumented immigrants sa Spain sa puon kan 2025.
Kadaklan sa sainda an gikan sa Latin America, sinundan kan Colombia, Peru asin Honduras.
