NAGA CITY– Mas naglangkaw pa ngonyan an numero kan mga stranded passengers hale sa Pasacao Port sa probinsya nin Camarines Sur.
Sa nagunong impormasyon kan Bombo Radyo Naga hale ki ENS Bernardo Pagador Jr., station commander kan Philippine Coast Guard (PCG)-CamSur sinaysay kaini na hale sa 90 stranded passengers suodma, naglangkaw pa ini sa 105 ngonyan na aldaw.
Napag-araman na kadaklan mga pasiring sa Masbate an mga stranded passengers sa nasambitang daungan na dae pigtugutan na makabyahe huli sa nakabanderang gale warning sa mga kadagatang sakop kan Bicol.
Dugang pa ni Pagador, apwera sa Pasacao, paramientras man suboot na pigkanselar an mga byahe sa ibang daungan hale sa Sabang asin Guijalo.
Enot naman na pigsierto kan PCG na tinatawan ninda nin maninigong asistensya katabang an lokal na gobyerno kan Pasacao an mga stranded na pasahero.
