Liwat na ipinagirumdom an sub judice rule sa impeachment trial, na nagbabawal sa mga senador, abogado, asin mga opisyal na na-impeach na magkomento sa merito kan kaso na piglilitis.
Sa intrevista kan Bombo Radyo Naga ki Atty. Michael Henry Yusingco – Political Analyst, Constitutional Law Expert, pwede sana nindang ipresentar an mga katunayan kan pagbista alagad dai dapat magtao nin pag-analisar o opinyon sa merito kan kaso. Aplikado man ini sa mga tagapagtaram kan duwang partido.
Mientrastanto, pinag-olayan an testimonya kan mga auditor kan COA dapit sa paggamit kan Office of the Vice President kan confidential funds.
Dugang pa ni Yusingco, an saindang ebidensya bastante na tanganing suportaran an alegasyon nin salang paggamit nin pondo.
Tinuyaw man ni Yusingco an nagkapirang hapot sa mga testigo, particular na an mga soboot insulto o pagpamenus, huli an mga hapot kan mga senador-huwes dapat na nakasentro sana sa paglinaw.
Makusog na legal na debate an piglalaoman sa testimonya ni Atty. Poa asin Col. Lachica, orog na sa isyu kan Lawyer-client privilege asin national security confidentiality.
