Sarong Swiss national na dinapuan nin Ebola sa Nigeria an nakauli na sa Switzerland para sa padagos na pagbulong.
An pasyente, sarong babae, kaiba an saiyang agom, inilipat sa paagi nin medical flight matapos na ma-stabilize an saiyang kamugtakan kan mga Nigerian medical teams.
Padagos siyang ginagamot sa Geneva University Hospital, mantang an saiyang agom naka-isolate sa Zurich University Hospital.
Bago an paglipat, sinabi ni Nigerian Health Minister Muhammad Pate na nagpaparahay na an kamugtakan kan pasyente.
An paglipat kan pasyente, na sarong Swiss citizen, ipinaliwanag ni World Health Organization regional director for Africa, Mohamed Janabi, na huli sa saiyang nasyonalidad asin an pagka-stabilize kan saiyang kamugtakan.
Padagos na minomonitor kan Nigerian Health Ministry an 52 katawo na nakasalamuha kan pasyente.
