Mariing pinabulaanan kan Pamahalaang Lungsod nin Taguig an mga akusasyon ni Senador Panfilo Lacson manungod sa “illegal reclamation activities” sa saindang siyudad, asin idinugang na an arinman na imbestigasyon sa korapsyon dapat nakabase sa katotoohan asin beripikadong ebidensya.
Sa sarong pahayag, kinontra kan City Government of Taguig an “mapanlinlang na naratibo” na kaiba kan video na ipinublikar ni Lacson, na nagpapahiling nin sarong lugar na konektado sa “illegal reclamation” asin “impunity.”
Lininaw kan siyudad na an lugar na ipinahiling sa video bakong parte kan daga na ginagamit o kapot kan City Government of Taguig.
Sinabi man kan Taguig na an nasabing lote pig-aako kan nagkapirang pribadong indibidwal asin sarong neighborhood association.
Dugang pa, mayo sindang ipinagluwas na permit o awtorisasyon para sa arinman sa mga sinasabing pribadong kagsadiri kan lugar.
Hinimok kan Taguig an publiko na maging mapanuri asin mag-ingat sa mga pahayag na bakong uyon sa aktuwal na rekord asin mayo nin sapat na basehan sa katotoohan.
Idinugang kan siyudad na padagos sindang nakatuon sa paglaban sa graft asin corruption, alagad dapat ining gibuhon na may pagigin patas, integridad, asin paggalang sa katotoohan.
