Pigkumpirmar ni Department of Justice Assistant Secretary and Spokesperson Mico Clavano IV na dae na mahaloy antes maibwelta sa Pilipinas si expelled Negros Oriental Cong. Arnolfo Teves Jr.
Sigun ki Clavano, mismong si Timor-Leste President Jose Ramos-Horta an igwang mawot na ibwelta si Teves sa nasyon.
Marurumduman kan nakalihis na Hunyo, pigtugutan kan Court of Appeals sa Timor-Lester an kahurutan kan gobierno kan nasyon na ma-extradite si Teves, na igwang kinakahampang na paglilitis sa paggadan ki Negros Oriental Governor Roel Degamo.
Sa sarong pahayag kan nakalihis na Agosto 28, pigsaysay kan Department of Justice na an motion for reconsideration na pigsunad kan kampo ni Teves kontra sa saiyang extradition an pigsayumahan.
Pig-orgulyo ni Justice Secretary Jesus Crispin Remulla an pagsayuma sa mosyon ni Teves asin pig-apod ini na significant step forward” sa paghahanap kan hustisya.
