Nagtitiner na nagampanan kan Kamara an trabaho kaini sa ibong kan mga kontrobersiya asin ribok sa pulitika. Sa katunayan, nalampasan pa soboot kaini an target agenda kan administrasyon ni Presidente Ferdinand Marcos Jr., segun ki House Majority Leader Sandro Marcos.
Sa irarom kan liderato ni House Speaker Faustino Dy III, sinabi ni Rep. Marcos na halangkaw an performance kan Kamara huli ta nakapokus ini sa mga panukalang makakatabang sa pagpakaray buhay kan mga Pilipino.
Naaprubahan kan Kamara an 229 na propwesto sa First Regular Session, kabali an 66 National Bills asin 163 Local Bills. Nakumpleto man an aksyon sa 26 na 52 Priority Proposals na inendorso kan Legislative-Executive Development Advisory Council (LEDAC).
Naipadara na sa Senado kan Kamara an labi sa 160 na panukala, kabilang an mga panukala may kinalaman sa land use, digital payments, water governance, edukasyon, enerhiya, nutrisyon, asin social protection.
Ipig-esplikar ni Marcos na an Legislative Output an nagsisirbing batayan kun epektibong nagampanan kan Majority Leader an saiyang responsibilidad sa laog kan Kamara.
Ipinahiling man kan rekord kan Kamara na an mga alitan sa pulitika dae nagin hadlang sa pagproseso kan mga komite asin plenaryo sa mga panukalang kabali sa legislative program kan Presidente.
Nagpromesa si Marcos na ipagpapadagos kan Kamara an momentum hali sa enot na sesyon tanganing matapos an mga natatadang prayoridad kan administrasyon sa masunod na mga bulan. Pigsierto man kaini na maipapasar ini antes matapos an 20th Congress an iba pang LEDAC priority bills.
