Aram baya nindo mga ka bombo pigbuyagyag kan kagsadiri kan sarong dog sledding team na gabos kan siyam kaining ido nakasalbar kan magtagilid an saindang trailer sa sarong highway sa Minnesota.
Si Jack asin Kris Christopher, an may sadiri kan Silent Run Adventures na nakabase sa Monticello, nagdadrive sa Interstate 494 sa Minnetonka kan magtagilid an saindang trailer pasado alas-10 nin pagkaaga kan Sabado.
Nagtabang an mga state troopers, pulis kan Minnetonka, asin mga bumbero tanganing magtinir na salbado si Hoss hasta sa liwat na madakop ni Kris Christopher.
Pigdara an mga huskies sa sarong lokal na beterinaryo gamit an magkakasuruhay na sakayan asin an saro, na pigtawan pangaran na Rebel, an nagsakay pa sa likod kan police cruiser.
Sinaysay kan mag-agom mayong danyos an mga ido, alagad babantayan ini sa laog nin sarong semana tanganing masierto na mayong internal injuries.
Dugang pa kaini, nagpupuon na sindang mag-ipon nin pondo tanganing matustusan an bayadan sa beterinaryo asin makabakal nin karibay kan trailer.
