Binisto ni Presidente Donald Trump kan Estados Unidos an mga biktima kan September 11, 2001 terror attack.
Sa sarong seremonya na ginibo sa White House, dinara an 21-talampakan asin may gabat na 17,000 pound na steel beam na nakua sa South Tower kan World Trade Center sa New York.
An programa parte kan sarong semanang pagromdom kan ika-25 anibersaryo kan terror attacks na matatapos sa Biyernes, Setyembre 11.
Nagtao ini nin onra sa bombero kan Siyudad nin New York City na si Jeffrey Palazzo asin Welles Crowther, na nagligtas nin nagkapirang tawo sa pag’atake.
Sinabi ni Trump sa saiyang diskurso na dai nalingawan kan Estados Unidos an naganap na terror attack.
Marurumduman na maabot sa 2,977 katawo an nagadan asin rinibo an nairido sa terror attack na ginibo kan al-Qaeda, na pinangenotan ni Osama Bin Laden.
Igwa nin 19 terorista na nagplano nin pag’atake kun saen hinay-jack kan mga ini an apat na eroplano asin ibinagsak sa mga lugar kan Twin Towers kan World Trade Center sa New York City; saro sa Pentagon sa Arlington County, Virginia; asin sa rural kan Pennsylvania.
