Sinaysay ni US President Donald Trump na dae ini allowed na magdalagan pa para sa third term.
Aminado kuta si Trump na igwa ini nin interes na magdalagan liwat para sa pwesto sa taong 2028, dawa na ngani an Konstitusyon kan US naglilimitar sa duwang termino sana na pwede magin presidente.
An saiyang mga suportadores nag-lalaom man para sa pantulong termino. Sa sarong entrevista sa Air Force One, sinaysay ni Trump na hihilingon pa kaini an mangyayari sa bandang huri.
An Konstitusyon kan US, naglilimitar sa mga presidente sa duwang termino sana, asin si Trump nagpoon kan saiyang ikaduwang termino kan nakalihis na Enero 2025.
Dawa na ngani an konstitusyon naglilimitar sa saiya, an mga suportadores ni Trump nag-iisip nin mga paagi na makalampas sa limitasyon na ini, siring kan pagdalagan ni Trump komo bise presidente.
Si Trump, na nagserbi kan saiyang enot na termino poon 2017 hasta 2021, pirming nagbabanggit na an saiyang mga suportadores nag-apelar sa saiya na magpadagos man giraray sa pagsirbi sa pwesto
