Piglangkaw na ni U.S. President Donald Trump sa 15% an global duty sa mga pig-aangkat na produkto sa Estados Unidos, sarong aldaw makalihis na ideklarar na ilegal kan U.S. Supreme Court an dakulang parte kan saiyang tariff program.
Sa saiyang Truth Social platform, sinaysay ni Trump na makalihis an “thorough review” sa desisyon kan Korte Suprema na inapod kaining “extraordinarily anti-American,” ilinangkaw kan administrasyon an import levies sa “fully allowed, and legally tested, 15% level.”
Nenot nang inanunsiyo ni Trump an 10% taripa makalihis an desisyon kan korte. Dugang pa kaini, sa mga masunod na bulan, mahanap an saiyang administrasyon nin iba pang “legally permissible” na paagi tanganing magpautob nin dugang na taripa.
Sigun sa White House, paramientras sana an bagong 15% duty asin pwede ining ipautob hasta 150-aldaw.
Igwang mga exemption pa man para sa nagkapiang sektor na nasa irarom kan suhay na imbestigasyon, kaibahan an pharmaceutical products asin mga kalakal na sakop kan US-Mexico-Canada trade agreement.An lakdang an pinakabagong kabtang kan paburo-bagong panundonan sa taripa kan administrasyong Trump, kun saen pirang beses nang pigtalaan, binago o binawi an manlaen-laen na lebel kan buwis sa mga produktong inaangkat sa U.S. sa nakalihis na taon.
Kan nakalihis na Biyernes, sa botong 6-3, nagdesisyon an conservative-majority Supreme Court na an ley kan taong-1997 na ginamit ni Trump tanganing magpataw nin biglaan taripa sa nagkapirang nasyon an dae nagtatao nin otoridad sa presidente tanganing magpautob nin siring na lakdang.
Maduon na tinuligsa ni Trump an desisyon, asin sinabing ini an na-“ashamed” sa pirang miyembro kan korte, maski duwa sa mga mahistrado an iyo mismo an nagtalaga
