Pumayag si US President Donald Trump na suspindihin ang pagbomba at pag-atake sa Iran sa loob ng dalawang linggo, basta’t tiyakin ng Tehran ang “complete, immediate, and safe opening” ng Strait of Hormuz, ayon sa kanyang post.
Inanunsyo ni Trump ang tigil-bomba ilang minuto bago ang kanyang itinakdang deadline para sa pagbubukas ng strait, isang pangunahing ruta sa pagpapadala ng langis. Binalaan niya na kung hindi bubuksan ang daungan, “a whole civilisation will die.”
Humiling si Pakistani Prime Minister Shehbaz Sharif na palawigin ang deadline at bigyan ng pagkakataon ang diplomatikong proseso, sinasabing “Diplomatic efforts for peaceful settlement of the ongoing war in the Middle East are progressing steadily, strongly and powerfully.”
Ang hakbang ni Trump ay bahagi ng dalawang-panig na ceasefire na nakatuon sa agarang pagbabalik ng ligtas na daloy sa Strait of Hormuz, kritikal sa pandaigdigang suplay ng langis at iba pang kalakal.
