Bigo liwat na magkasundo an magkaibong na lado kan Ukraine asin Russia para sa ceasefire o untok-putukan sa ikaduwang round kan direct talks.
Sulamenteng napagkasuduan kan duwang lado iyo an ribayan kan mas kadakol pang war prisoners kabali na an gabos nin may helang asin matinding lugadan siringman an mga nasa edad 25 pababa.
Sigun sa Ukrainian negotiators, liwat na tinutulan kan Russia an full asin unconditional ceasefire sa laog kan 30 aldaw na pangunahing demand kan Ukraine asin kan mga kaalyado kaini sa Europe asin Amerika alagad nagpromisa an mga ini kan pagbabalik kan mga labi kan 12,000 suldados na nagadan sa giyera.
Sa lado man kan Russia, propwesto soboot ninda an duwa o tulong aldaw na untok-putukan sa nagkapirang mga lugar sa may front line algad dae man ini nagtao nin dugang pang detalye.
Naghaloy an nasambitan ng direct talks sa pag ultanan kan mga negotiator kan Ukraine asin Russia kan labi sa sarong oras na isinagibo sa kabisera kan Turkey na Istanbul.
