Binukasan na kan gobyerno kan Ukraine an bagong sistema kan paglaog kan mga estudyante sa Kharkiv kun saen pigtugdok ini sa irarom kan daga huli pa man sa padagos na pambobomba kan Russia.
Susog sa lokal na gobyerno, nasa 17,000 estudyante an nagkaklase na ngunyan sa pitong underground schools sa syudad, mantang tulo pang eskwelahan an nilalaomang mabukas sa masunod na taon.
Magin man an nagkapirang istasyon kan train, ginibong paramientras na klasrum tangani maibalik an kadikit na normal sa pamumuhay kan mga aki.
Bagaman igwa nin paglaom na makaulay an Ukraine asin man Russia para sa katrangkiluhan, kadakol na magurang an ako nang harayo pa an normal na pamumuhay.
Siringpaman, mawot kan mga ini na maeksperyensyahan kan saindang mga aki an aktuwal na paglaog sa eskwelahan.
Susog pa sa report kan Reuters saro sa mga aking estudyante an saindang na-interbyu, asin nahiling digde an maogmang pag storya dapit man sa saiyang primerong aldaw sa eskwelahan.
Sa ibong man kan paligro, padagos man an paglalapigot kan mga magurang, paratukdo, asin man gobynero tangani maipagpadagos an edukasyon sa tahaw kan kariribokan.
