Mawot kan Ukraine na magin opisyal na dialogue partner kan ASEAN antes matapos an chairship kan Pilipinas sa 2026, sigun ki Ukrainian Ambassador Yuliia Fediv.
Sinaysay ni Fediv na obheto kan Kyiv na pahewason an presensiya kaini sa Southeast Asia asin pakusugon an kooperasyon sa Pilipinas asin iba pang miyembro kan ASEAN.
Pinirmahan kan Ukraine an Treaty of Amity and Cooperation (TAC) kan nakalihis na taong-2022 asin nagsumiter nin aplikasyon tanganing magin ASEAN Sectoral Dialogue partner.
Obheto kan Ukraine sa irarom kan saindang Ukraine-ASEAN strategy na magkaigwa nin kooperasyon sa trade, energy, disaster management, asin kultura, maski igwang ongoing conflict sa Russia.
Kasuarin sana, inimbitaran ni Foreign Affairs Secretary Ma. Theresa Lazaro an Ukraine na mag-atendir sa mga primerong ASEAN meetings ngunyan na taon, komo suporta kan Pilipinas sa pakikipag-koordinar kan Ukraine sa bloc.
