Planong magtipon an United Nations (UN) nin $32.9M para makatabang sa Pilipinas huli sa sunod-sunod na bagyo na nagtama sa nasyon.
An Philippine Humanitarian Country Team (HCT), sa pamamayo kan United Nations (UN) pig puonan na an Humanitarian Needs and Priorities (HNP) Plan para suportaran an haros 210,000 katawo na apektado kan mga nakaaging bagyo, partikular na sa Bicol, Calabarzon asin Cagayan Valley.
An Humanitarian Needs and Priorities (HNP) Plan itatao para sa rescue asin proteksyon para sa mga vulnerable groups.
Katakod kaini, nangapudan si UN Philippines Resident asin Humanitarian Coordinator Gustavo Gonzalez sa mga resource partners na suportaran an HNP tanganing makatipon pa nin dugang para sa siring na pondo.
