PIG-INKAMINAR kan Philippine National Police o PNP an publiko na gamiton an Unified 911 hotline kun may sakuna asin kalamidad tanganing mas mapadali an pagresponde kan mga awtoridad.
Sigun ki PNP chief Gen. Jose Melencio C. Nartatez Jr., an Unified 911 nagkokonektar sa pulisya, Bureau of Fire Protection, medical services, asin rescue teams sa paagi kan sarong emergency number.
Sinabi ni Nartatez na bako sana inng para sa mga krimen, kundi para man sa mga pangangaipo kan mga tawo sa panahon nin bagyo asin iba pang kalamidad. Sakop kaini an preemptive evacuation, search and rescue operations, asin iba pang emerhensiya.
Tinawan -doon nin Nartatez na an amay na pag-report kan insidente nakakatabang tanganing mas marikas na maresponde an mga responder, orog na sa panahon nin kalamidad kun sain mahalaga an kada minuto.
Dagdag pa kan opisyal na padagos na pinapakusog kan PNP an saindang emergency response capability sa paagi kan Unified 911 hotline bilang parte kan paghahanda asin mas marikas na pagtao nin serbisyo sa publiko sa panahon nin mga emerhensiya.
