US Embassy pinapalikay an kahimanwa sa ikukundusir na Trillion Peso March

Inabisuhan kan US Embassy an mga American citizens na iwalat an mga lugar kun saen ikukundusir an Trillion Peso March.

Sa iniluwas na advisory kan US Embassy na pinapalikay ninda an mga kahimanwa ninda na baka magkaigwa nin kariribokan sa nasambitan ng hiro protesta.

Pinatanidan man an American Citizens na dae makisumaro sa hiro protesta huli ta maikokonsiderar ining pagbalgar sa saindang immigration status.

Ikukundusir an nasambitan ng pagtiripon sa EDSA People Power monument sa Quezon City asin sa Luneta Park sa Maynila na igwang 500 metro an rayo sa US Embassy.