Naglalaom an gobyerno kan Amerika na maghupa na an agresibong mga aksiyon sa West Philippine Sea.
Ini an kasunod kan nagin banggaan sa tahaw kan duwang barko mismo kan China mantang pigpoporbaran na harangon an barko kan Pilipinas harani sa Scarborough Shoal kan nakalihis na Lunes, Agosto 11.
Sa sarong entrevista, nagpahayag nin pagkahadit an Amerika sa paagi ni US Ambassador to the Philippines MaryKay Carlson sa collision incident asin naglalaom na masirbing “watershed event” ini na pwedeng maghantong sa paghupa kan mga agresibong aksiyon kan WPS.
Piglinaw man kan US envoy an pagdedeploy kan duwang barkong pandigma kan US Navy na USS Higgins asin USS Cincinnati harani sa Panatag Shoal (Scarborough Shoal) sarong aldaw makalihis an banggaan kan mga barko kan China sa lugar.
Ipinagtanggol ni Amb. Clarkson an nagin lakdang kan US Navy komo parte kan saindang freedom of navigation operations (FONOPs) sa rehiyon.
Sigun sa US envoy, comitted an US military sa kabilogan sa pag-operate sa himpapawid, kadagatan o saen man na pigtutugotan kan international law.
Pig-omaw man kan US envoy an propesyunalismo kan PCG makalihis na magtangro nin tabang sa nadanyaran na barko kan China kasunod kan banggaan alagad nagpahayag man nin pagkadismaya an US envoy sa padagos na pagsasagibo kan kampo kan China nin illegal, coercive, aggressive asin offensive activities.
