Liwat na hinarang kan Amerika an sarong draft resolution sa United Nations Security Council na nangangapodan para sa tulos asin permanenting untok-putukan sa Gaza asin pagpapalibre kan mga bihag.
Ini na an ika-anom na pagkakataon na hinarang kan Amerika an kaparehong lakdang. Sigun ki US Deputy Middle East envoy Morgan Ortagus, an pagtutol kan Amerika sa resolution, dae na soboot nakakabigla pa.
Ini an huli ta nabigo soboot an resolution na kondenaron an Hamas o bistuhon an Karapatan kan Israel tanganing depensaran an sadiri kaini asin salang gibuhong lehitimo an salang mga naratibo na magbebenipisyo sa Hamas.
Tulos man na nagpahayag nin pagkadismaya an mga miyembro kan UN sa nagin lakdang kan AmerikaGabos kan 14 na iba pang miyembro kan Security Coucil, nagboto nin pabor sa draft resolution na piglaladawan an sitwasyon sa Gaza komo sakuna asin nangangapodan sa Israel na halion na an gabos kan restriksyon sa mga ayuda.
Ginibo kan konseho an lakdang sa tahaw kan pagpatanid kan United Nation humanitarian Office na nauubos na an huring lifelines sa Gaza Cuty sa tahaw kan pagpapalawig pa kan Israel sa saindang opensiba.
Siring man, an panibagong botohan sa UN an pirang aldaw antes an pagtitipon kan world leaders para sa UN General Assembly kun saen an Gaza an primerong paksa asin an piglalaomang pagbisto kan primerong mga kaalyado kan Amerika kaibahan na an UK sa Palestinian state komo independent.
