Sa pagrumdom kan World No Tobacco Day asin National No Smoking Month, liwat na nangapudan si Health Secretary Teodoro Herbosa na ipagbawal an vape asin langkawan an buwis sa sigarilyo.
Sa sarong event sa Philippine Heart Center, pigheras ni Herbosa an personal kaining eksperyensya komo dating naninigarilyo asin man an naging epekto kaini sa saiyang ama.
Hurot kaini, kaipuhan na protehiran an jovenes sa paagi kan pagbabawal sa pagpapabakal nin vape asin man sigarilyo sa sainda.
Pig inkamniar man kaini an Kongreso na isumiter an propwestong plain packaging para sa sigarilyo asin electronic smoking devices.
Pig uyunan man ini kan ASH Philippines asin Philippine College of Chest Physicians, na nangapudan nin brown uniform packaging na may 90% health warnings, asin labi na regulasyon sa e-cigarettes tangani dae maakit an jovenes sa bisyong nasambitan.
