Nag-abot na sa New York si Venezuelan President Nicolás Maduro makalihis soboot ining arestaron kan mga soldados na Amerikano sa saiyang istaran sa Caracas.
Basado sa report sarong puting FBI Boeing 757 an naglapag sa Stewart Air National Guard Base bandang alas-4:30 nin hapon American time.
Makalihis an pirang oras, nagsakat an mga pulis sa eroplano. Pagkatapos kan poco mas o menos 30 minuto, pirang indibidwal na pinagtutubodang sinda Maduro asin saiyang agom na si Cilia Flores, kaibahan an nagkapirang opisyal, an nahiling na padikit-dikit na nagbaba gikan sa lunadang panghimpapawid.
Sigun sa report, inarestar soboot sinda Maduro asin Flores sa kabisera kan Venezuela kan nakalihis na Biyernes nin banggi asin tulos na ibinalyo sa Estados Unidos katakod kan mga kasong igwang kinaaraman sa drug trafficking.
Pinagtutubodang enot na dinara an mag-agom sa Puerto Rico antes dagusang magpasiring sa New York City.
Nanutaran si Maduro asin an agom kaini na palaog sa sarong eroplano sa Ramey Base, na manunutaran sa laog kan Rafael Hernández International Airport sa Aguadilla.
Kinumpirmar man kan alkalde kan Aguadilla na si Julio Roldan sa social media na nag-agi soboot sa saindang siyudad an Venezuelan leader.
Mayo pang opisyal na pahayag gikan sa gobyerno kan Venezuela o kan Estados Unidos katakod sa nasambitan ng insidente.
