Nagsunad na kan saiyang counter-affidavit si Senator Joel Villanueva katakod kan reklamong malversation na igwang kinaaraman sa sarong flood control project sa probinsiya kan Bulacan.
An pagsusunad nin counter-affidavit kan Senador kasuodma, antes man italaan an pinalawig na deadline sa petsa 26 kan Pebrero, makalihis pagbigyan kan prosecution panel an mosyon kan senador para sa palugit.
Sigun ki Department of Justice Spokesperson, Atty. Polo Martinez, naenot an pagsusunad nin dokumento antes an nakatalaang pagdangog kan preliminary investigation kan nakalihis na aldaw nin Lunes.
Si Senator Villanueva, kaibahan sa mga respondent sa tolo sa anom na kasong pigsunad na igwang koneksiyon sa mga construction firm na Wawao Builders asin Topnotch Catalyst Builders, Incorporated.
An gabos kan mga kasong ini an presenteng nag-agi sa preliminary investigation kan DOJ.
