Ipinahayag ni Vice President Sara Duterte ngunyan na aldaw nin Lunes na andam ini sa ano man na magigin desisyon kan Senado katakod kan saiyang impeachment trial na paramientras pigtalaan magpuon sa Hulyo, 2025.
Marurumdumang in-impeach si Duterte kan nakalihis na bulan nin Pebrero kan Kamara de Representates dahil sa nagrararom na hidwaan kan saiyang pamilya asin man kan Marcos clan, na dati kaining kaalyado.
Makalihis magboto sa saiyang presinto sa Davao City, sinaysay kan bise presidente na dawa na anong mangyari soboot ay andam kaining atubangon.
Kun mapatunayang guilty kan mga senador, pwede ining dagusang halion sa puwesto asin man pagbawalang magkapot kan ano man na pampublikong posisyon sa futuro.
Nilinaw ni VP Duterte na an saiyang pangangampanya ay bako para sa personal o pampamilyang isyu kundi nakatuon man sana sa urulay kan impeachment.
Bagaman naenot nang nagpahiwatig nin interes na magdalagan komo Presidente sa 2028 na inapod man kan Palasyo komo amayon pa soboot.
Mientrastanto, sinaysay man ni VP Sara na ipinagpapasa-Diyos na kaini an kapalaran kan 10 kandidatong senador na sinusuportaran kan saindang kampo, alagad pigbuyagyag kaini na sinabi kaini sa saiyang ama, na si dating Presidente Rodrigo Duterte, na labi sa duwa sa mga ini ay may tsansang manggana.
