Nagpaliwanag an Malacañang sa tunay na obheto kan Executive Order No. 81 o an pagbalasa sa National Security Council (NSC).
Sigun ki Executive Sec. Lucas Bersamin, ini an tanganing gibuhon na mas episyente asin epektibo an membership kan National Security Council.
Sa ngunyan soboot, dae pigkokonsiderar na relevant an Bise Presidente sa mga responsibilidad kan konseho. Siringman, igwa man soboot nin kapangyarihan an Presidente na magdugang nin mga miyembro asin advisers kun kinakaipohan.
Mientrastanto, bako man ini an enot na pagkakataon na nire-organisa an NSC sa mga nakalihis na administrasyon, nin huli ta nagkaigwa man nin mga pagbabago sa irarom kan liderato ninda dating Presidente Fidel Ramos asin Gloria Macapagal-Arroyo.
Binalasa ni Presidente Marcos an mga miyembro kan NSC kun saen tinanggal an bise-presidente asin mga dating presidente komo mga miyembro kaini. Marurumdoman, sa sarong open letter kan Nobyembre, naghagad an bise nin paliwanag sa NSC kun tano dae soboot ini pig-iimbetaran na mag-atendir sa mga pagtiripon kan council maski miyembro ini.
Nangyari ini sa tahaw kan pagkawasak kan alyansa ninda Presidente Marcos asin VP Sara kasunod kan soboot banta kan bise sa Presidente kan nakalihis na taon.
