Nanindugan an House Committee on Good Government and Public Accountability na nagin ulang si Vice President Sara Duterte sa marikasan sanang paglilipat ki OVP Chief of Staff Atty. Zuleika Lopez sa ospital.
Marurumdumang nagluwas an komite nin sarong kasuguan na ilipat sa Women’s Correctional Facility sa Mandaluyong city si Lopez.
Pirang oras makalihis iluwas an order, sinaysay kan komite na pighagad ni Lopez na madara ini sa pinakaharani na bulunga huli sa nasasakitan soboot ini na maghangos.
Tulos man ini na pigdara sa Veteran’s Memorial Center alagad pigbalyo man sa sarong pribadong ospiital.
Alagad, antes an marikas na pagbibiyahe ki Lopez gamit an sarong patient transport vehicle, nagkaigwa muna nin komprontasyon sa pag-ultanan ninda VP Sara asin mga police, asin security personnel na kaiba sa pagbi-biyahe.
Hurot pa kan komite, pisikal na naki-aram si VP Sara sa pagsisirbi sa mga order kaini, kaiba na an kasuguan na mailipat si Lopez sa correctional facility.
