Pigkumpirmar ni Bise Presidente Sara Duterte sa pigpaluwas kaining bulletin na tinugutan na ini kan saiyang Chief of Staff na si Atty. Zuleika Lopez na mag-puli muna asin mahiling an saiyang mga aki.
Pigsaysay ni VP Sara, na an masalida saiya tanganing magbantay iyo si Senador Bong Go.
Alagad mabalik man sana an Bise Presidente sa Veterans Memorial Medical Center (VMMC) pag banggi.
Si Lopez nakakulong ngonian sa VMMC makalihis na madismayo asin magkaigwa nin panic attack.
Kun marumduman, sinabi kan doctor kan PNP, ayos man soboot an kondisyon ni Lopez ta normal an saiyang vital signs.
Mientrastanto, sa entrevista ki Senador Ronald Dela Rosa, sinabi kaini na “traumatized” an presenteng kamugtakan ni Atty Lopez huli sa pagbalyo kan saiyang detention facility.
Segun ki Dela Rosa, natatakot si Lopez na ibalyo sa Women’s Correctional sa Mandaluyong City rason kaya pigbantayan ninda ni Sen. Bong Go.
