Aram baya nindo mga ka-bombo, kakaibang kusog an ipinahiling kan Finnish finger wrestler na si Juha Andersson, 44-anyos, makalihis kaining maipuli an Guinness World Record title para sa “heaviest deadlift with one finger”.
Nagibo kayang buhaton ni Andersson an gabat na 336.42 lbs gamit sana an saiyang middle finger.
Dinaog kaini an dating record na 334 lbs na nairehistro haros apat na bulan kan sarong indibidwal na gikan sa Aruba.
Dae na bago sa siring na ladangan si Andersson huli ta saro ining beteranong kampeon sa finger pulling (o “sormikoukku” sa Finland), kun saen pigsasanay kaini an sadiri sa paagi kan one-finger pull-ups asin labing pain tolerance mantang nagbubuhat.
Sa saiyang performance sa sarong gym sa Riihim Finland, dae nagin madali an enot na attempt huli ta nawaran ini nin balanse, alagad sa ikaduwang attempt, matrayumpo man na naiangat an bakal asin namantinir ini nin labi walong segundo antes ibaba.
Sigun ki Andersson, nautob na an saiyang pangiturugan puon kan ini aki pa an magin Guinness record holder.
