Magkakaigwa man nin aktibidad an Philhealth sa Barangay Tabuco, Naga City para sa Yakap Program, sarong inisyatiba na may katuyuhan na matawan nin asistensya medikal an mga residentes, lalo na an mga may pangangaipo pinansyal.
Sa entrevista kan Bombo Radyo Naga ki Elisa Carmona, Barangay Chief kan Tabuco, syudad nin Naga, sinaysay kaini na ineenkaminar an gabos na namamanwaan na magparehistro asin magin parte kan Yakap Program kan Philhealth tanganing makinabang sa serbisyo sa salud. Ini gigibuhon sa Mayo 6, 2026. Saro sa mga mayor na benepisyo kaini iyo an pagtao nin maabot sa veinte mil pesos na ayuda kada taon para sa pagbakal nin kinakaipuhan na bulong.
Paliwanag ni Carmona, pwedeng makua an mga bulong sa mga accredited na botika, basta igwa nin reseta hale sa doktor. Importante suboot an pagkonsulta tanganing masierto na tama an bulong na itinatao sa pasyente.
Para sa rehistrasyon, kaipuhan magpahiling nin balidong ID. Alagad, para sa mga mayo nin siring na mga dokumento, pwede man magsumiter nin barangay clearance o proof of residence tanganing makapartisipar sa programa.
Sa paagi kan Yakap Program kan Philhealth, naglalaom an gobyerno kan barangay na mapahiwas pa an serbisyo medical asin matabangan pa an mas dakul na mga residente, lalo na sa bagay na pang-salud.
