Pigbubusol ni Parañaque 2nd District Representative Brian Raymund Yamsuan an pag-institutionalize sa expanded healthcare support para sa mga public school teachers.
Sinaysay ni Yamsuan na an nasambitan ng komprehensibong health insurance coverage para sa mga paratukdo sa pampublikong eskwelahan asin non-teaching personnel kan Department of Education (DepEd) an makakaresebir nin regular asin bastanteng pondo sa irarom kan national budget sa panahon na maipasar komo ley an prosopwestong ley.
Nagtutubod si Yamsuan na an pag-institutionalize sa HMO-type benefist para sa mga public teachers an maparekas kan saindang morale.
Sigun pa sa Kongresista na an saiyang pigsuhestion na prosopwesto sa irarom kan House Bill (HB) 2579 an nagsusuporta sa panibagong promesa ni Presidente Ferdinand Marcos Jr. sa saiyang kasuarin sanang State-of-the-Nation Address (SONA) na simbagan an mga haloy nang problemang pigkakahampang sa sistema kan edukasyon sa nasyon, pagpapamarhay sa kapakanan kan mga paratukdo sa pampublikong eskwelahan asin pagpaparekas kan primerong edukasyon.
An prosopwestong ley na enot ng pigsuhestiyon ni Yamsuan sa nakalihis na Kongreso an obhetong i-institutionalize an pagtatao nin taunang P7,000 medical allowance para sa mga kwalipikadong personahes kan DepEd komo subsidy tanganing tawan dalan an Departamento na magtao nin mga benepisyo kan health maintainance organization (HMO) para sa sainda.
Ini an apwera pa sa benepisyo na makukua kan mga public school teachers sa Philhealth.Sa ngunyan kaya an mga public school teachers an mayong usual paid sick leave benefits kaya dakulang bagay ini para sa sainda.
