Nanindugan si dating Congressman asin House appropriations chair Zaldy Co na an Senado asin bako an Kamara an may paninimbagan sa mga “blank spaces” sa nagkapirang dahon kan bicameral conference committee report kan 2025 national budget.
Basado sa surat ni Co ki Presidente Ferdinand Marcos Jr. kan nakalihis na bulan nin Pebrero, na kansuarin sana kaining ipinost sa social media, an mga puwang kawsa soboot kan “inadvertent omission” kan Senate finance committee secretariat.
Huli man digde, kinuwestiyon kan mga kaalyado ni dating Presidente Rodrigo Duterte an konstitusyonalidad kan budget, na ngunyan an nakabinbin sa Korte Suprema.
Hurot ni Co, haloy nang Senado an nagfi-finalize kan bicam reports, kaya man dae soboot patas na basulon an House staff. Pigsierto man kaining sulamenteng enrolled copy na mayong blanko an saiyang pipirmahan, asin may probisyon na nagsasabing ini an mananaig enkaso igwa nin dae nagkakatugma sa ibang draft.
Dugang pa kan dating lehislador, dae patas na basulon an soboot hardworking men and women kan House Appropriations committee para sa soboot faux pax na kun saen kada taon, an Senado an nakatalaan sa finalizing kan bicameral conference committee reports.
Pinahinutikan man ninda Sen. Grace Poe, dating Senate President Francis Escudero asin nagkapirang senador na may blank spaces sa saindang pigtintaang bicam report.
Pigtintaan ni Presidente Marcos Jr. an 2025 budget kan nakalihis na Disyembre 30, 2024. Sa parehong surat, binatikos ni Co si Escudero huli ta nagdakula soboot an pondo kan DPWH kumparar sa Department of Education makalihis hagadon kan Senado an P200 bilyon para sa DPWH, kun saen P150 bilyon sana an nailaog.
Binasol man ni Co si Escudero sa pagkakascrap kan P74-bilyong PhilHealth subsidy —sarong isyu man na pigsakat sa Korte Suprema kan mga health advocate, dating Sen. Koko Pimentel asin dating SC Justice Antonio Carpio.
