NAGA CITY- Gadan an sarong lalaki mantang irido man an kaibahan kaini makalihis mawaran kontrol sa minamanehong sakayan sa Provincial Road kan Barangay Kanlurang Palale, Tayabas City.
Binisto an nagadan na si Jojo Agudilla, 35-anyos mantang irido man an driver kan motorsiklo na si Rosario Padilla, 36-anyos.
Sa nagunong impormasyon kan Bombo Radyo Naga, napag araman na mantang binabagtas kan motorsiklong minamaneho ni Padilla an kalabaan kan tinampo sa nasambitan ng lugar kaibahan an backride na si Agudilla kan bigla ining mawaran nin kontrol sa sakayan.
Katakod kaini, nagpadagos an nasambitan ng motorsiklo hasta sa makabangga sa steel barrier.
Nagsapo nin lugad sa manlaenlaeng parte kan lawas an mga biktima asin tulos man idinalagan alagad idineklara nang dead on arrival si Agudilla.
Sa ngunian, nagpapadagos pa an imbestigasyon kan mga otoridad mantang paramientras mang ikinustudiya kan mga otoridad si Padilla sa Tayabas CPS custodial facility.
