NAGA CITY – Gadan an sarong motorista mantang lugadan man an tolong menor de edad sa salpukan kan duwang motoriklo sa Barangay San Vicente Sur, Iriga City.
Binisto an nagadan na si Manuel Estomata Jr. mantang an mga lugadan man na mga menor de edad na nasa 15 asin 16-anyos an edad.
Sa nakuang impormasyong kan Bombo Radyo Naga hali sa Camarines Sur Police Provincial Office (CSPPO) napag-araman na mantang pigbabagtas kan motorsiklo na minamaneho kan nagadan na si Estomata an tinampo sa nasambitan kan lugar kan sakupon suboot kaini an linya kan kasabatan na motorsiklo na nilulunadan kan mga menor de edad.
Nagsapo nin lugad sa manlaen-laen na parte kan lawas an mga biktima na tolos man na dinara sa ospital alagad dae na naisalbar an buhay ni Estomata.
Sa ngonyan nagpapadagos pa an imbestigasyon kan mga otoridad katakod kan nasambitan ng pangyayari.
