NAGA CITY- Irido an sarong lalaki makalihis na pagtatatagaon kan saiyang kaiwal sa Lagonoy, Camarines Sur.
Binisto an biktima na si Mark Paul Cledera, 52-anyos.
Sa nagunong impormasyon kan Bombo Radyo Naga, napag araman na mantang pinapakarhay kan biktima an saiyang motorized banca sa baybayon sa barangay Mangogon kan bigla na sanang mag abot an suspek na si Efren Dominguez.
Digdi na suboot pinagtataga kan suspek an biktima sa manlaen laeng parte kan saiyang lawas.
Basado sa inisyal na imbestigasyon kan mga kapulisan, huli sa haloy nang dai pagkakaintindihan an rason sa nasambitang pananaga.
Nagsapo nin lugad sa saiyang lawas si Cledera asin tulos man na idinalagan sa ospital.
Sa ngunian, pinepreparar na kan mga kapulisan an kasong isusunad kontra sa nasambitang suspek.
