NAGA CITY- Nairehistro an sarong kaso kan dengue sa Zone 7-A sa Barangay San Roque, Calabanga, Camarines Sur.
Sigun ki Alvin Pajarin, Brgy. Kagawad kan nasambitan ng lugar, na huli sa nairehistrong kaso kan dengue sa saindang lugar, napag-urulayan kan saindang lado na magkaigwa nin preparasyo sa tag-uran siring kan paglinig sa mga kale. Kun saen, nakapagkasundoan na kada zona masagibo nin search and destroy asin Tungod mo, Linig mo.
Mientrastanto, pigbubudgetan naman soboot kan kapitan kan barangay an pagbabakal nin bagong bulong pang-spry sa mga lamok. Alagad mantang pinaghahalat-halat ini, pinag-eenkaminar na kan kapitan an lambang kagawad sa kada zona na magsagibo nin paglinig.
Sa ngunyan, pangapodan na sana ni Pajarin sa saiyang mga nasasakupan na mantiniron an kalinigan sa lugar tanganing dae na madugangan pa an nairehistrong kaso kan nasambitan ng helang.
