Gadan an sarong lalaking mortorcyle rider kasubagong mag-uumagahon alas- 4:30 ngunyan Setyembre 13, 2024, ini makalihis na makabudal sa sarong road barrier na under-construction kan tulay sa kalabaan kan Maharlika Highway, Diversion Road, Barangay Camambugan, Daet, Camarines Norte.
Binisto an biktima na si alyas- “Kel”, 26-anyos , residente Vinzons, Camarines Norte. Sa inisyal na imbestigasyon kan mga otoridad, an biktima an pigbabaybay an tinampo pasiring sa Talisay, Camarines Norte lunad kan sarong Blue Yamaha MIO 125 na motorsiklo gikan Basud, Camarines Norte, kan ini man uminabot sa pigkokonstruher na tulay, ini an nawaraan nin kontrol asin buminudal sa road barier.
Huli sa kusog kan impact ini an nakaapon sa saiyang motorsiko na nagin rason na makakua nin manlain-lain na lugad sa saiyang lawas asin kawsa sa pagkagadan kaini.
Tolos man na dinara kan mga personahes kan MDRRMO-Daet an biktima sa ospital para sa asistensya medikal.
Sa presente nasa kustodiya na kan Daet Municipal Police Station para sa magkakanigong disposisyon. Sa ngunyan padagos an ipigsasagibo na imbestigasyon kan mga awtoridad dapit sa nasambitan na insidente.
