NAGA CITY- Patay ang isang hindi pa nakikilalang motorcycle driver matapos mawalan ng kontrol sa minamanehong motorsiklo sa Zone 6, San Agustin, Iriga City.
Sa nakalap na impormasyon ng Bombo Radyo Naga sa Camarines Sur Police Provincial Office (CSPPO), nabatid na habang tinatahak ng biktima ang kahabaan ng naturang kalsada nang lumipat ito ng linya at tuluyang mawalaan ng kontrol.
Sa inisyal na imbestigasyon ng mga awtoridad, nabatid na dito na nag-slide an motorsiklo ng biktima at kalauna’y tumilapon sa kalsada.
Dito na rin ito nasagasaan ng isang kotse na minamaneho naman ni Marionija Besenio, 21-anyos na nagresulta nang agaran kamatayan ng biktima.
Sa ngayon, patuloy pa ang isinasagawang imbestigasyon ng mga awtoridad hinggil sa insidente gayundin ang pag-alam sa pagkakakilalan ng nasabing biktima.
