17 katao gadan huli sa panlalamasa kan bagyong ‘Nando’ sa Taiwan

Nagpakol na sa 17 katao an binawian nin buhay sa Taiwan asin China huli sa panlalamasa kan bagyong Ragasa an bagyong nag agi sa Pilipinas na inapod na si “Nando”.

Haros labi sa duwang milyong katao man an pina ibakwar sa southern China. Nagkapirang katao man an nairehistrong nawawara makalihis an pag-apaw kan tubig sa lawa.

Naibaba na gikan sa super typhoon asin nagin severe typhoon na an Ragasa na igwang kusog kan duros na 241 kilometer per hour na nairehistro sa Taishan county sa Guangdong province.

Padagos an ginigibong pag-rescue kan mga otoridad sa mga residenteng nagsakat sa bubong kan saindang mga harong huli sa pagbaha.

Marurumdumang nagrehistro man nin danyos sa Pilipinas asin Hong Kong an bagyong Ragasa o Nando sa Pilipinas.