Aram baya nindo mga ka-bombo, an 18-anyos na lalaki sa India nasungkit an Guinness World Record para sa igwang pinakadakol na buhok sa lalawgon.
Ini an makalihis na madertiminar kan mga opisyal gikan sa Guinness World Record na igwa ining 201.72 na buhok per square centimeter kan u-nit.
Binisto an lalaki na si Lalit Patidar kan India. Susog sa report, si Patidar an igwa kan pig-aapod na hypertrichosis o mas bistado komo werewolf syndrome.
An kondisyon na ini an kadalasan nangyayari sa sarong indibidwal sa haros billion na tawo sa kinaban.
Basado pa sa impormasyon, nasa 50 kaso sana an nairehistro o naidukumento puon kan Middle Ages na igwa kan nasambitan ng kondisyon.
Si Patidar an igwang 90% na buhok sa saiyang lalawgon puon pa ini an aki.
Pigheras man kaini na an mga kaakian soboot sa eskwelahan an takot sa saiya asin habo makipag-ulay huli sa saiyang kakaibang itsura.
Mantang pigsuhestyon man kan ibang tawo na ipahali ni Patidar an mga buhok sa saiyang lalawgon.
Alagad para sa lalaki, proud soboot ini sa saiyang kondisyon asin kun ano man an saiyang itsura sa presente.
Sa ngunyan, nagpasalamat na sana si Patidar sa Guinness World Record makalihis na masungkit an nasambitan ng pagbisto.
