Nagbukas na nin floodgate an duwang dam sa Luzon, kasundo kan mahewasang mga pag-uran.
Basado sa report na pigluwas kan state weather bureau kasuodma, Hulyo 7, enot na nagbukas nin tolong gate an Binga dam asin nagpakawara nin kabilogang 257.61 cms na tubig.
Kinalaunan, dagusan man na pigsarado an sarong gate asin sa ngunyan sulamenteng duwang floodgate na sana an nakabukas asin nagpapakawara nin kabilogang 114 cms.
Nagbukas man an duwang gate an Ambuklao Dam asin nagpakawara nin hasta 156 cms. Siring man, dagusan man na pigsarado an saro kaining gate kaya sulamenteng sarong floodgate na sana ngunyan an nagpapakawara nin haros 50 cms kan tubig.
Basado sa repot kan weather bureau, haros maabot na nin duwang dam an saindang normal high water level (NHWL).
Kasuodma, kaya nasa 751.40 an lebel kan Ambuklao.
Ini an 60 centimeters sana antes maabot an NHWL na 752 meters. Sa Binga Dam, natukoy an lebel kan tubig kaini sa langkaw na 573.45 meter, haros saro may kabangang metro na sana antes dagusang maabot an 575 NHWL kaini.
