NAGA CITY – Dead on the spot an duwa katao mantang iridu an nasa 50 iba pa sa aksidenteng kinaembweltuhan kan sarong trailer truck asin pampasaherong bus sa Diversion Road, Malinao Ilaya Atimonan, Quezon.
Sa entrevista kan Bombo Radyo Naga ki PStaff Sgt Jay Cristobal kan Atimonan-PNP, sinaysay kaini na pasado alas 12:00 kasubagong mag-umagahon kan mangyari an aksidente kunsaen mantang binabagtas kan trailer truck an pakurbang parte kan lugar kan bigla ining tuminagilid.
Nagduru-diretso sa pagsadsad an truck hasta sa tuminama sa kasabatan na bus na gikan sa Bicol Region asin pasiring kuta na sa Manila.
Sigon ki Cristobal, tulos na binawian nin buhay an mga driver kan duwang lunadan mantang nasa 49 katao an kumpirmadong iridu.
Sa ngunian sigon ki Crisatobal, nagpapadagos pa an rescue operation huli ta igwa pa nin mga pasahero na naipit sa nasambitan ng mga lunadan.
